Oleh: Adhipati Genk Kobra
Wengine sansaya mrambat wus meh lingsir
Mripat sepet tan bisa kraket kagubet pikir
Wewayangan pathing klebat, kelingan lelakon kang wis kepungkur
Nalika ngudi ilmu ing pawitan luhur
Kanca raket wis padha mingset
Sumebar tanpa kabar
Kepriye kahananmu???
Apa ora kelingan nalika turu diwulang dosen
Apa wis lali nalika praktikum kartografi
Lumantar gurit kang prasaja
Dak ajab bisa kawaca
Sokur bisa kumpul, nadyan mung sedhela
Kanggo tamba kangen...
Karo ben ora dadi angen
Tidak ada komentar:
Posting Komentar