PANJERING ATI

         Oleh:  Adhipati Genk Kobra


Mbaka siji dak ronce dadi gurit panjering ati
Wis kadung semi ngerembuyung
Rinabuk sekar Asmarandana
Satemah mekar kembang angganda wangi
Tulusing manah krenteging karep

Bakal dak reksa nganti puputing yuswa
Nadyan kudu ngadepi sandungan urip lan panguripan
Bebarengan numpak baita asmara
Ndarat ing bandar katresnan
Wis dadi sedyaku!!!

Nanging....

ya gene trubus kang wis ngrembuyung kudu dak papras???
atiku nratap...

jalu khasil ngrebut tresnamu
Iya yha???

tutugna anggonmu senengan ngumbar nepsu...
aku dak jumangkah ijen mecaki wektu...

REINKARNASI

Oleh: Adhipati Genk Kobra


Aku bukanlah Kau...
Aku juga bukan Dia...
bahkan Aku... bukanlah Aku yang dulu....


tersadar dari tidur panjangku....
dan mencoba kembali jelajahi dunia nyata...
karena ternyata dunia maya bukanlah duniaku...

KANCA RAKET

Oleh: Adhipati Genk Kobra

Wengine sansaya mrambat wus meh lingsir
Mripat sepet tan bisa kraket kagubet pikir
Wewayangan pathing klebat, kelingan lelakon kang wis kepungkur
Nalika ngudi ilmu ing pawitan luhur

Kanca raket wis padha mingset
Sumebar tanpa kabar
Kepriye kahananmu???
Apa ora kelingan nalika turu diwulang dosen
Apa wis lali nalika praktikum kartografi

Lumantar gurit kang prasaja
Dak ajab bisa kawaca
Sokur bisa kumpul, nadyan mung sedhela
Kanggo tamba kangen...
Karo ben ora dadi angen

SEDULUR LANANG

                                                        Oleh: Adhipati Genk Kobra

Wis menenga tole...

SiMbok lagi derep tandhur

Bapak Ndandani empyak gapuk

Iki gilho gethuk tela...

kowe dak gendong kewer-kewer

luru sawo mateng sisane codhot

napaki galengan golek ciplukan

Biyen awakmu miyeyet, kuru garing

Saiki gagah pideksa, tur sugih bandha

nanging...

Ya gene saiki nyikut sedulur tuwa

Tumindak tamak, muni tanpa mikir rasa

Elinga thole...

rungakna tembungku minangka sulihe wong tuwa

urip iki ora mung diukur gebyaring DONYA...